NISTRA BATUKO EXPLORATION

Dentro do proxecto Nistra Batuko Exploration, no que se entrecruzan intereses demográficos e música avanzada, o dúo galego de electrónica Nistra decidiu colaborar co colectivo de traballadoras caboverdianas Batuko Tabanka, unha coral africana asentada en Burela, a vila da infancia dos integrantes do grupo. Despois de compoñer dous sinxelos a partir de gravacións naturais realizadas xunto ao colectivo, decidiron realizar unha pequena peza documental que recollese a esencia do proxecto. Nela conéctanse a historia destas mulleres, a súa chegada a un pobo da costa de Lugo e a vida que construíron alí.