En 2019 recibe o Premio a Proxecto no Carballo Interplay para dirixir Xan, unha serie para internet co-creada co actor e guionista Miguel Canalejo. O mesmo ano recibe o premio a mellor dirección de CREA no festival internacional Curtocircuito pola curtametraxe de ficción Arrolo. En 2018 recibe o Premio María Luz Morales polo seu videoensaio Muller Personaxe. En 2017 realiza Sendeiro, curtametraxe subvencionada por AGADIC.

Alén do seu traballo como directora, traballa como auxiliar de cámara en filmes e series televisivas e está de xira dende 2019 coa obra Curva España, do Grupo Chévere, ocupándose do espazo audiovisual e da realización de cámaras en escena.