Directores/as
Ollo de vidrio

Gutier Rolán

Levo traballando como profesional no eido audiovisual dende o 2009, na actualidade en Argadela, a produtora que creamos a miña socia Clara e máis eu. Estou especializado en vídeo marketing dixital e contidos audiovisuais para marcas (publicidade, corporativos, motion graphics…).
Cos anos non só adquirín experiencia en gravación e edición, senon tamén na produción e especialmente na estratexia de contidos audiovisuais para marcas. Encántame a publicidade porque me permite ser creativo e cada proxecto é unha nova aventura.
Considérome tan realizador como montador, e iso refléxase na miña forma de traballar, planificando a gravación pensando na mesa de montaxe. Gústame involucrarme en todo o proceso creativo, sobre todo nas tres principais fases onde se reescribe a historia: o guión, a gravación e a montaxe.
O meu soño é facer cine, pero mentres chegamos a iso, non paro de aprender facendo curtametraxes, documentais, microteatro, videoclips… non me poño límites, se hai unha historia interesante que contar.
Podes atoparme na web de Argadela ou no meu portfolio. Nas redes sociais estou sobre todo en LinkedIn e Instagram, aínda que tamén me deixo caír por Twitter de cando en vez .

As mellores opcións para ver os meus últimos traballos son: visitar a web da miña produtora (Argadela) e a súa canle de Vimeo, ou o meu portfolio (gutierrolan.com) e a miña canle de Vimeo. Grazas e saúdos!

Filmografía

FICCIÓN:

Chichinabo. (Serie dixital. Argadela.) 2019. Dirección e postprodución.
Tápao. (Curtametraxe. Argadela.) 2018. Dirección e postprodución.
15 ans, l’âge bête du coq. (Curtametraxe. Argadela.) 2018. Dirección e postprodución.
Teaser para o proxecto de longametraxe “Natural“. (En postproducción.). 2015. Dirección e montaxe.
Trala parede. (Curtametraxe. Aira Studio.) 2010. Guión, dirección e postprodución.
Slow food. (Curtametraxe. LAV.) 2009. Dirección e postprodución.
18.1. (Curtametraxe. Mr Misto Films.) 2008. Guión, dirección e postprodución.

NON FICCIÓN:

Cara a cara coa vida. (Documental. Aira Studio.) 2012. Dirección e postprodución.
Botando por fóra. (Documental. Mr Misto Films.) 2008. Realización e postprodución en grupo.

TELEVISIÓN:

Tempo de saúde. (Programa divulgativo, 40×5′. Galimedia para TVG.) 2015. Realización e edición.
Es lo que hay. (Late Night Show On Line, 6×90′ Aira Studio.) 2013. Produción, realización e edición.

OUTROS:

Stand R para Resurrection Fest e Portamérica. (Interactivo. quattro idcp.) 2017. Realización, edición e interactividade.
O Xardín das Pernas Roubadas. (Making of. La Tuerka Teatro) 2014. Dirección e edición.
Vivir sin ti. (Videoclip. Capitán Morgan.) 2013. Realización e edición.
Maruja da cansela. (Videoclip. Tonhito de Poi.) 2012. Dirección e edición.
Rock in Theatre Capitán Morgan. (DVD concerto en directo, 155′. Mandeo Records.) 2011. Edición e operador de cámara.
Admirando a condición. (Videoclip. Sés.) 2011. Edición.

Ponte en contacto
con Gutier Rolán