Marín (Pontevedra), 1982. Xornalista Audiovisual e Técnico Superior de Imaxe. Cando tiña 7 anos, o seu pai abriu un vídeo club en Seixo (Marín) que marcou a vida do rapaz. Pampín criouse entre as cintas de Beta e VHS. Con 12 anos, a familia de Prado Pampín merca unha cámara de vídeo doméstica coa que comeza a trastear e a gravar o que se poñía por diante.
No 2000, Carlos estuda na EISV de Vigo a FP Técnico Superior de Imaxe. Traballa na TVG como operador de cámara en diferentes programas. No 2007 obtén a licenciatura en Xornalismo Audiovisual na USC. Mentres estuda en Santiago, comeza a gravar curtas e documentais como director e guionista.
Tras pasar por Radio Voz e polo diario AS, no 2008, Pampín ficha pola televisión La Sexta, na súa delegación de Galicia, onde traballa na actualidade como reporteiro.

Carlos combina o seu traballo de xornalista coa rodaxe de curtas e documentais, como "Vellas", a historia do amor de dúas mulleres da terceira idade nunha aldea galega, finalista dos Mestre Mateo 2008; ou "Devolvendo o golpe", a historia de superación do boxeador Aarón Thunder, longa documental estreada en cines en toda Galicia