Directores/as
Ollo de vidrio

Carlos Amil e Xosé Abad premiados no II Festival primavera do cine en Vigo

Onte rematou a segunda edición do Festival primavera do cine en Vigo coa gala de entrega de premios.

Este festival que pretende ser un punto de encontro para o sector audiovisual galego contou con nove longas, once curtas, e catorce videoclips a competición, todos eles de produción galega, condición indispensable para poder ser aceptado a concurso.

O palmarés inclúe galardóns para compañeiros de CREA: O segredo da Frouxeira, premio á mellor longa para Xosé Abad, e A casa da luz, premio á mellor película infantil para Carlos Amil.
Ademais destes dous premios entregáronse tamén o premio á mellor curta para El desorden de los sentidos, de Alejandro G. Salgado; e o premio ao mellor vídeo clip para Oxytocin de Juan Salgueiro.

Na gala de entrega Ana Laura Pereira, directora do festival, agradeceu a participantes e público a gran acollida recibida, prometendo buscar locais con maior aforo na vindeira edición. Tamén adiantou que o ano que ven o festival adiarase un pouco no calendario para evitar solaparse con Cans, iniciativa que parécenos estupenda, xa que os solapamentos CansPrimavera do cine e Mostra S8Festival Camino de Santiago non beneficia a ninguén.

Parabéns a tódolos premiados.
En breve xa nas pantallas Mostra de cinema periférico S8 e I Festival Camino de Santiago. Vémonos.