Obxectivo
da actividade
CREA, Asociación de Profesionais da Dirección e da Realización de Galicia, de acordo cun dos seus obxectivos fundacionais como é o de promocionar o traballo e as obras das directoras/es e realizadoras/es da industria audiovisual galega, convoca a décima edición dos PREMIOS CREA.
Estes premios nacen coa vontade de ser un recoñecemento público, por parte dos socios e socias de CREA, daquelas colegas que destacasen nas distintas facetas da dirección audiovisual. E por isto, serán todas as persoas que pertencen a CREA quen, a través dos seus votos, decidan os galardóns en cada unha das categorías.
Nesta décima edición dos PREMIOS CREA, establécense as seguintes categorías:
MELLOR DIRECCIÓN DE LONGAMETRAXE DE FICCIÓN
MELLOR DIRECCIÓN DE LONGAMETRAXE DOCUMENTAL
MELLOR DIRECCIÓN DE CURTAMETRAXE DE FICCIÓN
MELLOR DIRECCIÓN DE CURTAMETRAXE DOCUMENTAL
MELLOR DIRECCIÓN DE SERIE
MELLOR DIRECCIÓN/REALIZACIÓN DE PROGRAMA TV
MELLOR DIRECCIÓN DE VIDEOCLIP
MELLOR DIRECCIÓN DE SPOT OU CAMPAÑA PUBLICITARIA
MELLOR DIRECCIÓN DE OBRA EXPERIMENTAL
PREMIO DE HONRA
Inscrición aberta para os Premios CREA 2025
Poderán participar todas as/os profesionais da dirección e realización que estreasen algunha obra en Galicia dende o 1 de xaneiro de 2024 ata o peche do prazo de presentación de candidaturas no 2025, sempre que a obra non fora presentada na anterior edición dos Premios CREA
Ata o vindeiro 31 de agosto de 2025 ás 23:59 estará aberto o prazo de recepción de candidaturas a través do seguinte formulario.
Podes consultar aquí as bases da presente edición do Premios CREA.
Para calquera dúbida, podes contactarnos no correo coordinacion@crea.gal
EDICIÓNS ANTERIORES
