Directores/as
Ollo de vidrio
Volve atrás

Actividade

Obradoiro de montaxe cinematográfica

11 de Abril de 2016
SGAE Santiago

Obxectivo
da actividade

Obradoiro de montaxe cinematográfica centrado na linguaxe, que non na ferramenta. Este non é un curso de software senón de narración.

Analizaranse en profundidade as técnicas narrativas e a construción do discurso desde a sala de montaxe. Novas perspectivas da historia e das personaxes, a búsqueda do ritmo máis aló da resolución de problemas. Multitude de exemplos prácticos extraídos da propia obra de Alberto de Toro e espazo para as propostas do alumnado.

Esta AulaCREA vai dirixida a directores, montadores e todos aqueles profesionais que desexen profundizar no seu coñecemento do proceso de edición cinematográfica; unha ferramenta imprescindible para dotar de significado completo a obra desde o guión á interpretación. O obradoiro ofrecerá unha aproximación en primeira persoa ao xeito de proceder na montaxe dunha obra, desde o primeiro contacto co material filmado, a distribución secuencial, e a decisión última do fotograma de corte entre dous planos. Análise de obras, tendencias e referentes clásicos e actuais, solucións a problemas atopados en películas propias e propostas do alumnado fan desta AulaCREA un imprescindible na formación de alto nivel deste ano.

Alberto de Toro. Montador.

Conta na súa traxectoria con máis de 20 longametraxes españolas e iberoamericanas.

Editor habitual de Javier Ruiz Caldera (Spanish Movie, Promoción Fantasma, Tres Bodas de Más) e Roger Gual (Remake, Menú Degustació) tamén é responsable da montaxe das recoñecidas Satanás, Perfil de un Asesino (de Andrés Baiz) ou Km31 (de Rigoberto Castañeda).

Recibiu en 2004 o Ariel da Academia Mexicana das Artes e as Ciencias Cinematográficas pola montaxe de Nicotina, de Hugo Rodríguez.

Ficha en imdb

EDICIÓNS ANTERIORES