Volve atrás 
Obxectivo
da actividade
BOLSA CREA está destinada a apoiar a escrita de tratamento dun proxecto de longametraxe cinematográfica, de ficción ou documental. Con esta finalidade outorgarase unha única bolsa de 2.000 € para o proxecto que resulte seleccionado.
Unha iniciativa dirixida a ofrecer tempo e apoio nun momento determinante e fráxil do proceso creativo. Determinante porque é deste impulso inicial de onde nacen as grandes historias. Fráxil porque é un momento sen rede de seguridade, sen axudas nin guías.
BOLSA CREA nace do compromiso de CREA por acompañar, ser apoio e motivación para creadores e creadoras de Galicia e en lingua galega. Sempre coa vontade de construír novos espazos. Espazos de visibilidade ao talento do noso sector. Espazos para a consolidación dun ecosistema audiovisual galego diverso, igualitario, profesional e conectado co mundo.
Poderán optar á bolsa aquelas persoas que cumpran os seguintes requisitos:
• Ser socia ou socio de CREA á data de peche da convocatoria.
• Presentar un único proxecto por persoa (tamén no caso de coautoría).
• O proxecto deberá ser orixinal.
• Non ter recibido outra axuda económica.
• Non ter presentado o proxecto á convocatoria de guión de ICAA 2025.
O prazo de recepción de proxectos será do 16 de outubro ao 5 de novembro de 2025 ás 23:59h.
Consulta as bases para máis información.
Para outras dúbidas, escribe a coordinacion@crea.gal