ngeles-Huerta_Documenta

Ángeles Huerta

Bio
Filmografia
Bio

Directora e guionista.

Empecei facendo curtas de xeito autodidacta e acabei estudando na Met Film School de Londres. Ao meu regreso de Inglaterra, consigo facer Esquece Monelos, un documetal creativo longamente soñado sobre os meandros da memoria, que obtivo un gran éxito tanto en festivais como nas salas de cine. Actualmente estou preparando a miña segunda longametraxe, O corpo aberto, un western gótico basado nun relato de Méndez Ferrín. Tamén estou traballando no guión de “La Nadadora”, o novo traballo de Sandra Sánchez. Como documentalista, intento colaborar en proxectos de comunicación alternativos cando teño oportunidade.

Filmografia

•    A nena azul (2018, 23 min) (co-guionista)- Curtametraxe dirixida por Sandra Sánchez.

•    Próxima estación, San Sadurniño (2017, 10 min)- Unha curta sobre a relativamente rápido que podemos volver a casa.

•    Esquece Monelos (2016, 76 min) – Baixo as rúas da Coruña hai un río que moitos non recordan, pero que de cando en vez se desborda reclamando o que unha vez foi a súa conca.A historia dun río e máis das nosas correntes subterráneas.

•    The Fetch (2014, 10 min) – Dous descoñecidos unidos por unha forza misteriosa. Unha película sobre homes e bicicletas, inspirada na novela de Flann O’Brien “The third policeman”.

•    Normal people (a smartphone tragedy) (2013, 5 min) – Lucy é normal. Duncan é normal. Lucy e Duncan son unha parella normal. Unha traxicomedia sobre o absurdo da normalidade.

•    Roma è troppo lontana (2013, 26 min) – O Impero está en crise. Os bárbaros están ás portas. Roma está asolada pola peste. E o fillo do César ten que percorrer a Gallaecia para resolver os tres enigmas que lle encomendou a Sibila. Están tolos estes romanos?

•    Io ti ailoviu (amore ossoleto) (2011, 28 min) – Raffaela Carrá, Laura Pausini, Patty Pravo…Nanni Moretti sempre quixo facer un musical sobre un panadeiro troskista e nós atrevímonos con esta comedia de ciumes, traizóns e clásicos de San Remo.

•    Corredor (2009, 5 min)- “Hay días en que valdría más no salir de la cama”. Xa o di a canción.

Compartir